Helga Thoroddsen prjónhönnuður býður upp á námskeið í að prjóna peysurnar Rák og/eða Röst. Peysurnar eru báðar úr einstaklega fallegu og litríku bandi frá Urth Yarns og eru prjónaðar ofan frá og niður með margvíslegum smáatriðum í hönnun og litasamsetningum. Á námskeiðinu verða kenndar tvær ólíkar tengiaðferðir auk þess sem þátttakendur fá aðstoð við litaval og hvernig hægt er að aðlaga peysurnar þannig að þær passi viðkomandi sem best. Tengiaðferð: Aðferð sem felur í sér að prjóna alla hluta peysunnar saman (tengja) þannig að hvergi er saumur. Þátttakendur hafi með sér: · Prjóna – ýmsar stærðir og lengdir. · Hjálparhluti í prjóni, s.s. prjónamerki, málband, skæri o.s.frv. · Rissbók/blað, blýant og strokleður. · Band í prufuprjón (einnig verður band í boði á staðnum).