0kr.
3 skipti frá 18-20
Mánudagur 8. maí
Þriðjudagur 23. maí
Þriðjudagur 6. júní
Í þetta sinn varð peysan Ranunculus eftir japanska prjónhönnuðinn Midori Hirose fyrir valinu. Þetta er langmest prjónaða peysan á Ravelry og erum við forvitnar að prófa og sjá hver ástæðan er.
Peysan er prjónuð ofan frá í hring með gata- og mynsturprjóni. Peysan er hönnuð með þá hugsun að gatamynstrið eigi að líkjast því að klæðast mörgum hálsfestum. Það er notast við styttar umferðir bæði að framan og aftan. Peysan er stutt og hugsuð til nota yfir kjóla, pils eða buxur, en auðvelt er að stjóna síddinni eftir eigin hentisemi.
Hægt er að velja um þrengra eða víðara hálsmál, stuttar eða síðar ermar, púff eða beinar ermar og með eða án styttra umferða í ermastroffi.
Prjónfestan er 14 L = 10 cm og eru endalausir valmöguleikar af garni sem hægt er að nota. Bæði sýnir hönnuður útgáfu með grófu garni og fínu og stjórnar það algjörlega útliti peysunnar.
Um að gera að koma í Storkinn og skoða möguleikana.
Sjá nánari hér: https://www.ravelry.com/patterns/library/ranunculus-3
Hugmyndin með samprjóni er að koma saman og deila og læra hvor af annarri.
Umsjón með samprjóninu hefur Magna Rún frá Storkinum. Hún verður búin að rýna uppskriftina og aðstoðar þá sem þurfa hjálp til að komast í gang.
Þær sem skrá sig á samprjónið fá 15% afslátt af garni í peysuna. Einnig er hægt að kaupa uppskriftina hjá okkur.
Samprjónið kostar ekkert en til að taka þátt þarf að kaupa garnið í peysuna í Storkinum fyrir samprjónið og skrá sig hér neðst á síðunni með því að velja vöruna og gefa upp nafn, netfang og símanúmer.
Uppselt
