Á námskeiðinu verður farið yfir hvernig prjóna á peysu ofan frá og niður með sérstakri áherslu á fallegt form og snið. Kynntar verða nokkrar aðferðir við að hanna/prjóna peysu ofan frá með svo nefndri tengiaðferð sem felur í sér að prjóna alla hluta peysunnar saman (tengja) þannig að hvergi er saumur. Þátttakendur geta valið um að prjóna prufur og/eða prjóna ákveðna peysu og einbeita sér að þeirri prjónaaðferð.

Á heimasíðunni – https://www.prjon.is/uppskriftir-til-slu er að finna nokkrar góðar peysur sem allar eru prjónaðar ofan frá og niður með margvíslegri prjóntækni. Uppskriftirnar eru á íslensku og fylgir uppskrift að einni peysu með í námskeiðinu. Einnig er í boði að velja aðrar uppskriftir ef óskað er.

Þátttakendur hafi með sér:

· Prjóna – ýmsar stærðir og lengdir.

· Hjálparhluti í prjóni, s.s. prjónamerki, málband, skæri o.s.frv.

· Rissbók/blað, blýant og strokleður.

· Band í prufuprjón (einnig verður band í boði á staðnum).