Það er uppselt á þetta samprjón – þið getið sent póst á [email protected] ef þið viljið komast á biðlista.

4 skipti frá kl. 17:30-19:30

Miðvikudagar 5., 12., 26. febrúar & 12. mars

Þetta samprjón er fyrir reynda prjónara eða þau sem vilja takast á við kaðlapeysuprjón.

Mjög falleg kaðlapeysa eftir finnskan prjónhönnuðinn Veronika Lindberg sem kallar sig Kutova Kika á Ravelry og Youtube. Peysan öll í köðlum og krefst tíma. Frábært verkefni fyrir prjónara sem vilja láta reyna á prjóntæknina og er sannkallað hægprjón (slow knitting) en það er einmitt svo gefandi. Ekki leiðinlegt að geta státað af svona meistarastykki í lokin.

Peysan er prjónuð á 5 mm prjóna (miðað við meðal prjónfestu). Garnið getur verið einfalt eða tvöfalt eftir því hvernig peysu þið viljið eignast. Það eru margir möguleikar á garni. Við munum aðstoða ykkur við garnval í Storkinum.

Umsjón með samprjóninu hefur Althea Wetter  frá Storkinum. Hún verður búin að rýna uppskriftina og prjónar peysu samtímis ykkur og aðstoðar þau sem þurfa hjálp til að komast í gang og fylgir ykkur eftir á prjónaferlinu með 4 aðstoðartímum. Athugið að það er vika á milli fyrstu tveggja skiptanna, en svo tvær vikur eftir það.

Þær sem skrá sig á samprjónið fá 15% afslátt af garni í peysuna. Uppskriftin kostar 1.095 kr. og er afgreidd rafrænt á ENSKU.

Samprjónið kostar ekkert en til að taka þátt þarf að kaupa garnið í peysuna í Storkinum tímanlega fyrir samprjónið og skrá sig hér neðst á síðunni með því að velja vöruna og gefa upp nafn, netfang, kt. og símanúmer.

Það eru 6 stærðir í uppskriftinni: XS (S) M (L) XL (2XL) 3XL

Ummál bols á prjónaðri peysu eftir stærðum er: 92,5 (100) 107,5 (120) 134,5 (147,5) 158 cm

Garnmagn í peysu eftir stærðum:  U.þ.b. 1.080 (1.080) 1.188 (1.296) 1.404 (1.512) 1.620 m.

Það er erfitt að segja til um verð í peysu því val á garni er svo fjölbreytt, en við aðstoðum við það í Storkinum.

Nánar um ARCTIC LIGHT SWEATER á Ravelry