Í handprjónaðar flíkur handa börnum er lögð mikil ást og umhyggja og fátt er jafn gaman að gefa.

Prjónað af ást eftir Lene Holme sem er ein af vinsælustu prjónhönnuðum Skandinavíu. Í bókinni er að finna sjötíu uppskriftir af peysum og fylgihlutum handa börnum, frá fæðingu upp að 8–10 ára aldri. Prjónhönnunin er í anda norrænu ungbarna- og barnablaðanna frá því um miðja síðustu öld en uppskriftirnar eru lagaðar að þörfum nútímafólks.

Verkefnin í bókinni eru fjölbreytt, stór og smá; húfur, hálstau og ennisbönd ásamt stærri flíkum eins og peysum, jökkum, kjólum, buxum og öðrum mjúkum og þægilegum fatnaði.

Lene Holme Samsøe er þekktur danskur hönnuður sem hefur komið að útgáfu fjölmargra prjónabóka.

Ásdís Sigurgestsdóttir og Guðrún B. Þórisdóttir þýddu.

Smellið hér til að sjá skjal með leiðréttingum á bls. 42