Pirkkalanka ullargarnið fáum við frá Finnlandi. Það kemur í mjög mörgum litum og hentar í alls konar verkefni; handprjón, vélprjón, hekl, útsaum og vefnað. Fínbandsgrófleikinn er góður í vettlinga sem eru prjónaðir á prjóna 2 – 2,5 mm, enda er þetta vinsælasta vettlingagarnið hjá okkur. Þetta er 100% ull með þéttum snúð, en samt liprara og loftmeira en t.d. sokkagarn. Þess vegna er góð fylling í því í tvíbandaprjóni.
Þessi ull krefst handþvottar en það lengir líf hennar og heldur garninu lengur fallegu.
Pirkkalanka ohut er líka mjög gott í peysur, eitt og sér eða með silki/móhár garni.
Pirkkalanka hefur verið í framleiðslu í áratugi og því komin góð reynsla á það. Garnið er spunnið í Noregi og litað í Finnlandi og ferlið uppfyllir staðla EU um vistvæna framleiðslu. Peysur úr garninu halda sér eins árum saman.
Það er hægt að kaupa Pirkkalanka ohut í 50g hnotum eða í 100g hespum. Ef þið viljið frekar hespu setjið þá 2 x 50g í körfuna og sendið okkur skilaboð um að vilja frekar hespu.