NORO Silk Garden Sock er marglitt, kaflalitað garn en með hreyfingu í litum og tvíd áferð. Þetta er áhugavert garn sem kemur vel út í peysuprjóni eða í fylgihluti, en er líka hugsað sem sokkagarn vegna styrkingarinnar. Hægt að nota það eitt og sér eða leggja með öðru garni eins og silki/mohári. Silk Garden Sock hefur líka verið vinsælt hjá heklurum vegna léttleikans og þess að það klofnar ekki auðveldlega í hekli og prjóni.

Hinn japanski Eisaku Noro er sjálfsagt þekktastur fyrir að vera frumkvöðull í framleiðslu á litríku, kaflalituðu garni. Hann er stofnandi NORO og hefur  frá byrjun haft sérstaka sýn á garn og ullarvinnslu. Vinnsla sem undirstrikar náttúrulega eiginleika ullarinnar er leiðarljós NORO. Þess vegna vill Eisaku Noro leyfa þessum eiginleikum að njóta sín sem best í garninu frá Noro. Í framleiðslunni eru mislangar og þykkar trefjar/lyppur notaðar í bland til að fá náttúrulega áferð og halda í eiginleika ullarinnar. Þá er spunnið í vélum og höndum á víxl til að ofvinna ekki garnið. Óhreinindi úr ullinni eru fjarlægð varlega með höndum, án kemískra efna. Gott fyrir ullina og fyrir umhverfið.

Ullin kemur m.a. frá ullarbændum í Ástralíu, Suður-Afríku og Falklandseyjum sem stunda vistvænan búskap.

Eisaku Noro hannar ekki bara garnið heldur heimsækir ullarbændur og fylgir framleiðslunni eftir til að tryggja gæði og að markmiðum umhverfisverndar sé náð.