Lærke Bagger Strik 2 er önnur bók þessa þekkta danska hönnuðar. Hún kom eins og stormsveipur inn í prjónaheiminn og með sinn einstaka stíl. Hún nálgast prjónið frá öðru sjónarhorni en margir, hver flík verður að listaverki. Hún hefur haft góð og frelsandi áhrif á marga prjónara sem sjá að prjón getur verið margs konar og allt er í raun leyfilegt. Það eina sem takmarkar þig ert þú sjálf.

Það eru 10 uppskriftir af peysum, kjólum, kápum, púðum og töskum svo og prjóntæknileiðbeiningar og skemmtilegar myndir. Þetta er bara stórkostleg bók fyrir þá sem vilja læra að nálgast prjónið á nýjan hátt, prjóna á skapandi hátt.

Knit it out er hennar leið til að prjóna sig frá erfiðleikum og hún notar prjón sem sína geðrækt.

Lærka elskar Barbie og því er að finna uppskriftir af Lærke Bagger design fötum á þessa margumtöluðu dúkku.

Lærke Bagger Strik 2 er ekki bara prjónabók heldur fjallar hún líka um lífsstíl, er prjónadagbók þar sem hún segir heiðarlega frá sínum lífsgildum og reynslu.

Lærke Bagger Strik 2 er prjóntæknilega bæði fyrir byrjendur og þá sem hafa meiri reynslu af prjónaskap.

Viðtal við Lærke Bagger á vefsíðu útgefanda:

https://www.gyldendal.dk/artikler/laerke-bagger-strik-2-interview