SHELTER er milligrófa útgáfan í tweedgarn-fjölskyldunni frá Brooklyn Tweed. Það er linspunnið tvíband, eins og Loft, en ekki eins viðkvæmt, en gott að vinda það samt varlega. Eftir þvottinn mynda lykkjurnar slétta og áferðarfallega heild. Prjónafestan í Shelter garninu er sveigjanleg vegna þess hve loftmikið garnið er.

Shelter kemur í 50g hespum í mjög mörgum fallegum, náttúrulegum litum. Ullin er af bandarísku Targhee-Colombia fé sem nýtur sín einstaklega vel í Shelter garninu. Það sem gerir þetta garn sérstakt er að í spunaferlinu lokast loft á milli þráða og garnið verður gljúpt og loftmikið. Útlitslega minnir garnið á einspinnu en er sterkara og nýtur sín vel í sléttprjóni, garðaprjóni, tvíbandaprjóni, kaðlaprjóni og öðru útprjóni.

Shelter fer í gegnum vinnsluferli þar sem þess er gætt að ullin haldi eiginleikum sínum og aðeins mild þvottaefni eru notuð. Þess vegna er viðbúið að einstaka sinnum finnist smá trefjar úr jurtaríkinu. Shelter nýtur sín best eftir þvott en það ætti ekki á hafa áhrif á stærð eða breytingu á prjónfestu.

Hentar mjög vel í peysur, heilar eða opnar, teppi og alls konar fylgihluti eins húfu og trefla. Uppáhaldsgarn margra sem hafa prjónað peysur úr því og notað mikið. Temprandi eiginleikar eða svalt í hita og hlýtt í kulda.

Hægt er að fá Shelter garnið bæði einlitt og sprengt.

ÞVOTTUR

Fyllið vask með ylvolgu vatni – ekki meira en 30°C og setjið prjónaða flíkina á kaf í vatnið, kreistið varlega úr allar loftbólur sem myndast svo að flíkin haldist á kafi. Látið hana liggja í bleyti í 20-30 mínútur, svo að flíkin nái að blotna alveg í gegn. Fjarlægið aukableytu með því að rúlla flíkinni inn í hrein handklæði og þrýstið varlega. Leggið flíkina flata til þerris þar sem er nægt loftstreymi.