EHRMAN útsaumspakkar

Ehrman eru þekktir fyrir fallega hönnun á útsaumi, bæði hefðbundnum og nútímalegum. Það eru nokkrir hönnuðir sem vinna fyrir Ehrman þ.á.m. Suzanne Gysemann.

Um útsaumspakkana

Myndirnar eru saumaðar á ámálaðan stramma, nál fylgir og leiðbeiningar um hvernig á að sauma perlu- eða körfusporið sem er notað. Útsaumsgarnið er úr 100% ull.  Þéttleikinn á sporunum er mismunandi eftir púðum. Við hvern púða er tekið fram hver er hönnuðurinn, stærð á tilbúnum púða, þéttleikinn á sporunum.

Oftast er saumað með einföldu ullargarni, en í einhverjum tilfellum er notað tvöfalt garn þegar stramminn er grófari. Þá eru færri spor á 10 cm. Kaffe Fassett heldur t.d. upp á grófari púðana því þá gengur hraðar að sauma þá.

Ullargarnið sem fylgir er sett saman í knippi, oft ólíkir litir saman svo auðveldara sé að greina á milli lita. Þess er gætt að reikna vandlega út hve mikið garn fer í hvern púða svo nægilegt magn af garni fylgi. Á það skal bent að garnmagnið sem fylgir gerir ráð fyrir að saumað sé eftir meðfylgjandi leiðbeiningum.