VOLARE garnlínan er sennilega vinsælasta garnlínan hjá okkur. Það er skiljanlegt því garnið er úr 100% merínóull, er með slétta og fallega áferð og mjúkt viðkomu. Það hentar því fyrir þá allra viðkvæmustu, nýbura jafnt sem þá eldri. Garnið er gljúpt og þess vegna er gott að prjóna úr því því það fyllir svo vel uppí lykkjuna, stundum kallað þakkláta garnið!

Þetta garn má vélþvo á ullarþvottakerfi, en eins og gildir um allt superwash garn, þá þarf að gæta þess að leggja flíkina í rétta stærð til þerris (gott að mæla flíkina fyrir þvott).

VOLARE er til í þremur grófleikum, fínbandi (4-ply/fingering), léttbandi (DK) og þykkbandi (aran/worsted). Sumir litir eru til í öllum grófleikum en annars er hver grófleiki með sinn litaskala.